Jim Lyngvildip Nanu Børn aningaasanik tunissuteqarfiginiarpai
Jim Lyngvild, Facebookikkut quppernermini, 151.000-init malinnaaffigineqartumi, taama oqarpoq.
- Nunanut allanut ikiorsiinissamut aningaasanik katersillaqqissorujussuuvugut, Naalagaaffeqatigiilli aamma puigortarpavut. Kalaallit Nunaanni inuuniarnikkut ajornartorsiutillit amerlapput, ilaatigut uagut nammineq pilersissimasatsinnik. Ajornartorsiutillit meeraallu ikiorusuppakka, Jim Lyngvild, taama oqarpoq.
Qalipatat Lauritz.com-ip nittartagaani takuneqarsinnaapput, inatsisinik atuutsitsinermut ministeri Søren Pape Poulsen, aningaasaatinut nunamullu namminermut ministeri Simon Emil Ammitzbøll-Bille, partii Venstrellu politikkikkut oqaaseqartartua Karen Ellemann, taakkununnga ilaallutik.
Politikerit atisanik 1700-p nalaaneersunik, tassa barokip nalaaneersunik atukkersorsimasut qalipanneqarsimapput.
Lauritz.com-ikkut akitsorterussineq ulluni tulliuttuni aqqanilinni ingerlassaaq. Simon Emil Ammitzbøll-Billep assinga akitsorterussinermi maannamut akisunersaavoq 2400 koruuninik maannamut akeqalersimalluni.