Politikki

Jess Svane innuttaasunik ataatsimiisitsivoq

Qaasuitsup Kommuniani borgmesteri Jess Svane kommunerujussuarmi angalavoq innuttaasunillu ataatsimiisitsinerit Kangaatsiami, Niaqornaarsummi, Iginniarfimmi, Ikerasaarsummi, Attumi, Akunnaami, Ikamiuni, Aasianni kiisalu Kitsissuarsunni pipput. Pingaarnertut sammineq kommunip maanna killiffia.

Allattoq Peter Troelsen, Noah Mølgaard

oktobarip 25-at 2012 11:19

Sanaartornermut avatangiisinut angallannermullu ataatsimiititaliap siulittaasua Bendt Kristiansen atorfillillu angalaqataapput. Kommuni ajornartorsioqattaarpoq. Siullermik aalisarnerup uninneratigut suliffissaaleqisut, aningaasassaaleqineq aammalu kommunip avinneqarnissaanik oqallinneq aporaaffiusarput. Maanna pissutsit pillugit innuttaasut isumaat tusarniarneqarpoq.

Pingasunngornermi sisamanngornermilu Kangaatsiami Niaqornaarsummilu ataatsimiittoqarpoq. Inoqarfinni allani allani ataatsimiinnissat imatut tulleriiaarneqarput:

Kangaatsiaq
Pingasunngorneq 24.10.2012 nalunaaqutaq 18:00
Atuarfimmi

Niaqornaarsuk
Sisamanngorneq 25.10.2012 nalunaaqutaq 10:00
Katersortarfimmi

Iginniarfik
Tallimanngorneq 26.10.2012 nalunaaqutaq 10:00
Atuarfimmi

Ikerasaarsuk
Arfininngorneq 27.10.2012 nalunaaqutaq 10:00
Katersortarfimmi

Attu
Sapaat 28.10.2012 nalunaaqutaq 10:00
Klub-imi

Akunnaaq
Ataasinngorneq 29.10.2012 nalunaaqutaq 15:00
Illu sullivik

Ikamiut
Marlunngorneq 30.10.2012 nalunaaqutaq 09:00
meeqqat atuarfianni klub-imi.

Aasiaat
Marlunngorneq 30.10.2012 nalunaaqutaq 17:00
Kommunip allaffiani ataatsimiittarfimmi

Kitsissuarsuit
Pingasunngorneq 31.10.2012 nalunaaqutaq 10:00
Illu Sullivik