Jess G.: Tutsaqalaaritsi
SIK-p piumasaqaataata nassiunneqarnerisa kingorna NUSUKA-mut saaffiginnissutit tamaasa ulloq manna tikillugu akineqarsimanngillat, naak ukioq ataaseq qaangiutilersoq. Taamaammat SIK-p aqqutit allat atorlugit NUSUKA-p siulersuisuinut saaffiginnittariaqalerpoq, tamannalu pissutigalugu tusagassiorfiit aqqutigalugit maanna saaffiginnissuteqarluni.
-SIK-p e-mailikkut saaffiginnissuta akineqarneq ajorput. Aammattaaq siulersuisunut ilaasortat aqqusinermi imaluunniit angalatilluta naapikkaangatsigit qaqugu isumaqatigiinniassanerluta aperisarpagut. Oqaasiinnartigut neriorsuutigaat SIK-p saaffiginnissutai akineqarumaartut, maannali sumik pissuteqaraluarnersumik pilikkatigineqartutut misigisimalerpugut. Tamannalu pissutigalugu ammasumik saaffiginiarlugit aalajangerpugut, Jess G. Berthelsen nassuiaavoq nangillunilu:
Tamannali aqqut ajornartoq paasigutsigu allatut ajornartumik tunngaviusumik isumaqati-giissummik unioqqutitsinertut isigalugu isumaqatigiissitsiniartartut aqqutigalugit SIK-miik akisussaaffipput naammassiniartariaqassavarput.