Jess G: Akitsuuteqanngitsunik pisisinnaaneq ammaqqilli

Jess G. Berthelsen allappoq, Nunatta karsianut aningaasassaaleqisumut inatsit én ørinnguamilluunniit isertitsisimanngitsoq.

Taamaattumik SIK-ip siulittaasuata inatsisip atorunnaarsinneqarnissaa kajumissaarutigaa, taamaalillutimmi Naalakkersuisut kukkusimanerminnik nassuerutiginnissammata, minnerunngitsumillu inuit tamarmik - aamma sulisartut - inuunerup nuannersuminertannguinik misigisaqalaartarniassammata. Jess G. Berthelsen allappoq.

Naalakkersuisut Nunatta karsianut aningaasanik issaatitsinissamik siunertaqarlutik inatsit atuuttussanngortissimassappassuk, taava apeqqutaaginnalissaaq tamatuma pisimannginnera nassuerutigissallugu.

- Isumaga malillugu allaanerujussuuvoq, inuiaqatigiit tamarmik iluaqutissaat anguniarlugu inatsisiliorneq, tassami inatsisit taamaattut ataqatigiissaakkamik eqqarsaatigilluagaasumillu ilusilerneqartarmata, illuatungaaniillutilli inatsisit ataatsimut isigalugu sumut iluaqutaanerannik qinersisartunit tupinnanngitsumik paasineqarsinnaanngitsut. Taamaattunmik innuttaasunik nakkutilliiniarnerinnaapput oqaaqqissaariniarnerinnaallutillu iluaqutaanngitsut, Jess G. Berthelsen allappoq nangillunilu.

- Inatsisip taassumarpiaap atorunnaarsinneqarnerata innuttaasugut misigilersissavaatigut inuunerput naallugu nakkutigineqartuanngitsugut, SIK-p siulittaasua, Jess G. Berthelsen nalunaarunni naggaserlugu taama allappoq.