Jens B. Frederiksen: Piginneqatigiiffinngortinneqarnissaat imminut akilersinnaanngilaq
- Innaallagissamik, imermik kiassarnermillu pilersuinermi aningaasatigut isertitat nikippiarneq ajorput, allaallu siunissami isertitat ikiliartuinnarsinnaallutik. Illuanik assersuutigalugu Tele Greenland akitigut allatigullu allanngortiterisinnaavoq, atuinerlu annertusarsinnaallugu. Tele Greenlandillu neqeroorutai innuttaasunut tamakkiisumik pisariaqartinneqanngillat, Nukissiorfiilli pilersitai innuttasunit pinngitsoorneqarsinaanngillat, attaveqatigiinnermut naalakkersuisoq, Jens B. Frederiksen oqarpoq.
Nukissiorfiit sanaartugassaasa aammalu erngup, innaallagissap kiassarnerullu akiisaa suli sunniuteqarfiginissaat Naalakkersuisut aamma pingaartippaat.
- Assersuutigalugu innaallagiaq imerlu Nunatsinni kikkut tamarmik pisariaqartippaat. Taamaammat Nukissiorfiit sanaartornissaat Inatsisartunit naalakkersuisuniillu toqqaannarnerusumik oqartussaaffiginissaat pisariaqarluinnarpoq. Nukissiorfiillu piginneqatigiiffinngortinneqassapata, imaanngilaq akisussaaffik Inatsisartunit nunatta karsianiilluunnit peerneqassasoq, Attaveqaqatigiinnermut naalakkersuisoq Jens B. Frederisken oqarpoq,
Nukisiorfiit piginneqatigiiffinngortinneqarnissaannik Siumup siunnersuutaa Inatsisartut ualimut oqaluuserisavaat.