Jens B.: Ataqqeqatiginngimmatigut Konservativet suleqatigiunnaarpavut

Konservativet sooq suleqatigineqarunnaarsimanersut pillugu Demokraatit siulittaasuat Jens B. Frederiksen taama oqarpoq, suleqatigiikkunnaarnermullu tunuliaqutaasut assersuusiorfigalugit:

-Assersuutigiinnarlugu meeqqanut tunngasuni silap pissusaanullu tunngasuni qanoq periuuseqassanerluta isumaqatigiissuteqarpugut, aasalli ingerlanerani konservativet oqaaseqartartuata silap pissusaa pillugu politikkitsinnut isumaqatigiissutitsinnullu naapertuutinngitsumik allaanerusumillu oqartarnera akuersaarsimanngilarput, Jens B. Frederiksen oqarpoq.

- Demokraatit inuk qiteralugu qilersorsimanngitsumik ingerlatsisuupput Konservativillu qanganitsanik pingaartitsisuullutik, Jens B. Frederiksenip tusagassiutinut nalunaarummini oqaatigaa.

Saniatigullu Jens B. Frederiksen isumaqarpoq de konservativet saqqummiussisarsimasut Demokraatit politikkiannut naapertuutinngitsumik:

- Aallaqqaammullu isumaqatigiinnikuuvugut konservativet kalaallit nunaat pillugu isummersornialeraangamik oqaaseqassagaangataluunniit uagut isumasioqqaartassagaatigut, kisiannilu konservativeni Kalaallit Nunaat pillugu oqaaseqartartuusoq arlaleriarluni oqaaseqartarsimavoq uagut isumasioqatigeqqaarnata, uagullu politikkitsinnut akerliungaatsiarluni, Demokraatit siulittaasuat Jens B. Frederiksen oqarpoq.

Danmarkimi partiimik allamik suleqateqarnissaq Demokraatinit pilersaarutigineqanngilaq.