Japan OL-imi timersuutissamik nutaamik siunnersuuteqartoq
Apummik milloorneq japanimiutut taaguuteqarpoq "yukigassen", aamma apummik milloortartunut pisortatigoortumik kattuffeqarpoq! The Japan Yukigassen Federation - JYF.
Kattuffik taanna timersuummi, maani nunatsinni aamma nuannarineqartumi, 1993-imiilli ukiumoortumik pissartanngorniutsitsisarpoq.
"Yukigassen"-imi iligiit marluk minutsit pingasut atorlugit apummik imminnut milloortarput. Milloornerpaallu, imaluunniit akeqqamik erfalasuannik tigusisut, ajugaasarput.
Japanimiulli timersuummik OL-imut ilanngutsitsiniarnerminnik iluatsissinissaat soorlu ilimanarpallaanngitsoq.
Kattuffiummi JYF-ip tamanna iluatsinniassaguniuk, "yugigassen"-ip ikinnerpaamik nunani 75-ini, nunavinnilu sisamani angutinit timersuutigineqarnera, aammalu ikinnerpaamik nunani 40-ni nunavinnilu pingasuni arnanit timersuutigineqarnera uppernarsaqqaartariaqassavaa!
Japanimiut iluatsitsissappata nunatta taamanikkussamut peqataatitsinissaa soorunami tulluassaaq, tamannalu iluatsissagaluarpat nunatsinni timersortartut apummik milloortartoqalersinnaavoq.