Ivalo & Minik Fonden legatinik sisamanik agguaavoq
Aviaaja Birkholm Professionshøjskolen Metropolimi ernisussiortutut ilinniarnerminut atatillugu Balimi ernisarfimmi sungiusaatigalugu sulinissaminut legatimik tunineqarpoq.
Kathrine Naaja Rasmussen Københavns Universitetimi nakorsanngorniarnerminut atatillugu Bergenimi (Norge) Universitetshospitalimi sungiusaatigalugu sulinissaminut legatimik tunineqarpoq.
Qivioq Kern Kreutzmann Danmarkimi suliffeqarfinnik aallartisaasut pillugit aaqqissuussinermut "Iværksættere i udlandet" peqataasussatut toqqagaanerminut atatillugu legatimik tunineqarpoq.
Anna Sørensen Københavns Universitetimi Institut for Medier, Erkendelse og Formidlingimi ilinniarnerminut atatillugu nunat tamalaat suliniaqatigiiffianni assigisaaniluunniit inaarutaasumik sungiusaatigalugu sulinissaminut legatimik tunineqarpoq.
- Aningaasat agguaassagut NunaFondenimit, Royal Greenlandimit, Royal Arctic Linemit aamma GrønlandsBANKENip Inuussutissarsiornermut aningaasaateqarfianit tunissutaapput, taamaammat inuusuttunik angusaqarluarniartunik tapersersuisinnaanitsinnut taakku pisooqataalluinnarput. Ivalo & Minik Fondenimi siulersuisut siulittaasuat, professori Minik Rosing taama oqarpoq imalu nangilluni.
- Legatinnattut pissarsiffiulluartumik nunani allaniinnissaat, kingornalu Nunatsinnut uterumaarnissaat aammalu ilisimasanik pissarsiarisaminnik atuilluarnissaat neriuutigaa, Minik Rosing oqarpoq.
