Ittoqqortoormiit Avannaata Qimussersuini siullermeertumik peqataassasut

Qimussertartut marsip 16-ianni qimussernermik ukiumoortumik unammissapput. Ukioq mannalu Ilulissani unammisoqassalluni.

Avannaata Qimussersua tusareersimassavat, ukioq mannali Ittoqqortoormiinit, Tasiilamit Qaanaamiillu peqataasoqartussaanera pissutigalugu tamanna Avannaata Qimussersuinik taaguuteqarpoq.

Ittoqqortoormiinit peqataarngaartoqalerpoq.

- Nuannernerpaavoq Avannaata Qimuersersuinut peqataatinneqalernerput, Ittoqqortoormiini qimussertartut peqatigiiffianni Qamutser 2016-imi siulittaasoq, Gudmund Josvassen oqarpoq, nangillunilu:

- Misigisassaq nuannerunaqaaq, aamma qimmii takullugit, aamma uagut qimmigut takutillugit qanoq nikingatiginersut.

Ittoqqortoormiini manissuinnarmi qimussernerusarput, marsimilu umimmanniarfinngoraangat aatsaat qummukajaakkoornerusarlutik, taamaammat unammilerunik qummukajaat pissanngataannut ilaapput.

- Qaqqat qummukajaat tamaani qimussimik tikinneqajuittaramik.

Avannaata Qimussersuaasimasoq: Qimusseriaasiata takunissaat pissangagivara

Nunap immikkoortuani qimusseriaatsit assigiinngissusaat naapinnermi takuneqarsinnaassapput.

- Tamaqqissaatta assigiinngitsumik qimusseriaaseqarpugut aamma Ittoqqortoormiormiut allatut qimusseriaaseqarput, Gudmund Josvassen oqarpoq.

Unammeqataasimasup Ittoqqortoormiineersut qimusseriaasiata takunissaa qilanaaraa.

- Pituuttat allallu qimusseriaasiallu allaagami. Uanga naatsersuutinni imaappoq unammersuarnerminni sungiusimasartik atussagaat ilimagilluinnarpara. Kattuffiup malittarisassai eqqarsaatigalugit malittarisassanut ilanngunneqarnikuunngilaq pituuttat imatut isikkoqassasut taannartaa pissangagivara, Kristian Lundblad, Avannaata Qimussersuani siullermik 20-nik ukioqarluni peqataangaarsimasoq oqarpoq.

Taanna Avannaata Qimussersuani arfineq-pingajussaanik peqataagami Avannaata Qimussersuanngornikuuvoq.

Kristian Lundblad Nuummi maanna najugaqarpoq, eqqarsaataannaminillu peqataaginnartariaqassaaq.

- Massakkut qanilliartornerani aamma nammineq filmiliarillattaarnikuusat mobiilimi pigisat isiginnaaqqajaanerullugit misigissutsit taamaapput.

Ittoqqortoormiini marsip pingajuannit aqqarnannut anngunniuttoqassaaq, annguttullu pingasut Ilulissanut unammiartussallutik.

Avannaata Qimussersuanut Sisimiuniit Upernavimmiillu taamaallaat peqataasoqartaraluarpoq.

Avannaata Qimussersui Ittoqqortoormiinit, Tasiilamit Qaanaamiillu peqataasoqarluni ukiut pingasukkaarlugit aaqqissuunneqartarpoq.

Taanna siullermik 2021-mi aaqqissuunneqarpoq, Ittoqqortoormiiniillu peqatigiiffimmit aaqqissuussisoqannginnera pissutigalugu peqataasoqarani.

Tasiilameersullu qimuttuisa naammattumik akiuussuserneqarsimannginnerat pissutigalugu ukioq taanna aamma peqataasinnaatinneqanngilaq.