Avannaata Qimussersuini ajugaasoq: Anguniartarsimasaq angullu pikkunartorujussuuvoq
Qimussimik sukkaniulluni nuna tamakkerlugu pissartanngorniunnermi Avannaata Qimussersuini Kristian Lundblad arfininngornermi ajugaavoq.
37-nik ukiulik Sisimiuninngaaneersoq qimussimik sukkaniunnerni aatsaat pissartanngorpoq tamannalu pikkunarpoq, Kristian Lundblad oqaluttuarpoq.
- Pikkunarpoq, pikkunartorujussuuvoq, anguniartarsimasat ilaat kiisami angullugu, Kristiaat taama oqarpoq.
Slutresultat:
1. Kristian Lundblad, Sisimiut .
2. Otto Kristensen, Upernavik Innaarsuit.
3. Frederik Mathiassen, Ilulissat.
4. Ville Siegstad, Ilulissat.
5. Jonas Kristensen, Kullorsuaq.
6. Ilannguaq Berthelsen, Ilulissat.
7. Tittus Broberg, Saqqaq.
8. Ole Hammond, Saattut Uummannap sullua.
9. Paulus Kristensen, Tasiusaq.
10. Dario Davidsen, Ikerasak Uummannap sull.
11. Salik Fly, Ilulissat.
12. Kim Hansen, Ilulissat.
13. Edvard Samuelsen, Saattut .
14. Kaali Lund Mathæussen, Ilulissat.
15. Ole Wille, Niaqornaarsuk .
16. Abraham Løvstrøm, Saattut Uummannap sull.
17. Svend Peter Petersen, Saattut Uummannap sull.
18. Minik Olsvig Svendsen, Ilulissat.
19. Hans Johan Kristensen, Sisimiut.
20. Ilaatsunnguaq Berthelsen, Ilulissat.
21. Igaja Alataq, Qaanaaq.
22. Berthel Wille, Niaqornaarsuk.
23. Gerth Frederiksen, Saqqaq Qeqertaq.
24. Qillaq Kristiansen, Qaanaaq.
25. Sakkak Jensen, Saqqaq Qeqertaq.
26. Laarseeraq Iversen, Qasigiannguit.
27. Peter Avike, Siorapaluk.
Kilde: KNQK.
Avannaata Qimussersui aallartinnissaa sioqqulugu Kistian Lundbladimut pissanganarsinarsimavoq qimussimik sukkaniunnermik misilittagaqarluartunik aamma ineriartortunik peqataasoqarmat.
Qimussinik sukkaniuffik 40 kilometerisut isortartutigivoq Kristian Lundbladilu tullersortigisaminit Ottoq Kristensenimit minutsimik ataatsimik affarmillu siulliulluni apuupppoq.
Sukkaniunnerup ingerlanerani Kristian Lundblad normu 2-tut inissisimasarpoq siullinngortarlunilu, Lundblad oqaluttuarpoq
Avannaata Qimussersuini Kristian Lundblad ajugaaneranut pissutaarpiarpoq piareersarluarsimaneq.
- Ukiut marluk matuma siorna piareersarneq aallartippara ipassaq ( 27 marts) sukkaniunnissap aallartinissaata tungaanut.
Qimmit ukiukippallaanngitsut aamma utoqqaavallaannigitsut ukiut marluk matuma siorna Kristian Lundbladip pisaarai taamanikkulli sungiusalerpai.
- Qimmit ukiuugaluarpat aasaagaluarpalluunniit paarilluarlugit nakkutigalugillu, Lundblad oqaluttuarpoq. Qimmit nerisassai annertunerusumik niuertarfinni nioqqutigineqartartut qimmiminut nerisittarpai.
Kristian Lundblad qimussinik sukkaniunnerni arfineq pingajussaanik unammeqataagami ajugaavoq.
Sukkaniunnerni siuliini normu 2-nngortarsimanngikkuni normu 3-nngortarsimavoq, aatsaavillu pissartanngorluni.
Qimussinik sukkaniuttarnernut siunissani peqataaqqissalluni Kristian Lundbladip maannakkut oqaatigisinnaanagu KNR-mut oqarpoq.
Qimussinik sukkanniulluni pissartanngornerniunnermi Avannaata Qimussersuini, qimuttunik qimmeqarfiit tamarmik unammeqataanissannut ukormanna aggersarneqarput.
Qimussertartut Tasiilameersut Aasianneersut peqataanngillat, qimmit akiuussuserneqarsimanngimmata, taava Qeqertarsuarmiut Kangerlummiullu aamma peqataatitaqanngillat, qimminik akusanik peqartoqarneranik 2018-mi suliaq pilugu
Kristian Lundblad ukiuni kingullerni qimussinik sukkaniuttarnini ajugaasut allattorsimaffiannt ilannguppoq.
Avannaata Qimussersuani ukiuni kingullerni ajugaasut ukuupput.
1989: Tittus Mathiassen, Saattut, Uumannami unamminermi.
1990: Nikolaj Therkildsen, Saattut, Uumannami unamminermi.
1991: Nikolaj Therkildsen, Saattut, Uumannami unamminermi.
1992: Otto Kristensen, Innarsuit, Kangersuatsiami unamminermi.
1993: Niels Kristian Vetterlain, Ilulissat, Ilulissani unamminermi.
1994: Thomas Løvstrøm, Saattut, Ilulissani unamminermi.
1995: Amos Jensen, Saattut, Uumannami unamminermi
1996: Ville Siegstad, Ilulissat, Upernavik Kujallermi unamminermi.
1997: Niels Poulsen, Ilulissat, Ilulissani unamminermi.
1998: Edvard Samuelsen, Nuugaatsiaq, Uumannami unamminermi.
1999: Otto Kristensen, Innaarsuit, Upenavik kujallermi unamminermi.
2000: Edvard Samuelsen, Ukkusissat, Aasianni unamminermi.
2001: Edvard Samuelsen, Ukkusissat, Uumannami unamminermi.
2002: Abraham Løvstrøm, Saattut, Ilulissani unamminermi.
2003: Egede Filemonsen, Ikerasaarsuk, Qasigiannguani unamminermi.
2004: Ville Siegstad, Ilulissat, Qasigiannguani unamminermi.
2005: Thomas Thøgesen, Saattut, Ilulissani unamminermi.
2006: Thomas Thøgesen, Saattut, Sisimiuni unamminermil
2007: Jørgen Kristensen, Ilulissat, Qasigiannguani unamminermi.
2008: Jens Ole Jensen, Uummannaq, Uumannami unamminermi.
2009: Ville Siegstad, Ilulissat, Ilulissani unamminermi.
2010: Jørgen Kristensen, Ilulissat, Qeqertarsuarmi unamminermi.
2011: Jørgen Kristensen, Ilulissat, Sisimiuni unamminermi.
2012: Jørgen Kristensen, Ilulissat, Qasigiannguani unamminermi.
2013: Jørgen Kristensen, Ilulissat, Qeqertarsuarmi unamminermi
2014: William Jensen, Saqqaq, Ilulissani unamminermi.
2015: William Jensen, Saqqaq, Qeqertarsuarmi unamminermi.
2016: Edvard Samuelsen, Saattut, Uumannami unamminermi.
2017: Edvard Samuelsen, Saattut, Aasiannit unamminermi.
2018: William Jensen Saqqaq, Ilulissani unamminermi.
2019: Frederik Mathiassen, Ilulissat, i Qasigiannguit. (KNQK-ip Frederik Mathiassenip ajugaanera atorunnaarsippaa ajugaasutullu suaarutigineqarpoq Ville Siegstad Ilulissat ).
2020: Coronavirus pissutigalugu qimussimik sukkaniunneq taamaatinneqarpoq.
2021: Kristian Lundblad Sisimiut, Ilulissani unamminermi.
