Itilliup Kangaamiullu akornanni maannakkut ujaasisoqartoq
Angut arnarlu apuuffissaminnut pilersaarutaasutut apuunngimmata, Kalaallit Nunaanni Politiit Itilliup Kangaamiullu akornanni imaatigut maanna ujaasipput.
Kalaallit Nunaanni Politiit tusagassiuutinut taama nalunaaruteqarput.
Issittumi Sakkutooqarfik Air Greenlandillu qulimiguuliutaa ujaasinermut atorneqartartoq EC-255 suleqatigalugit ujaasipput.
Umiatsiaaraq qaqortoq, 17 fodsilik, ataavata tungaani qernertumik qalipassimasoq quliliuttagalillu ujaarineqarpoq. Umiatsiaaraq 100 HK Suzukimik motooreqarpoq.
Politiit maajip ulluisa aqqaneq-aappaanni ullaakkut nalunaaqutaq qulinut nalunaarfigineqarput. Maqaasineqartut tutsaqanngimmata, qanigisaasoq ernumalersimasoq nalunaarsimavoq.
Umiatsiaaraq Itillermit Kangaamiut tungaannut maajip ulluisa aqqarnganni nalunaaqutaq 23:50-ip missaani aallarpoq. 40-nik ukiulik angut 37-nillu ukiulik arnaq umiatsiaaqqamik aallartuupput.
Politiit angallataat ILIK atorlugu Itilliup Kangaamiullu akornanni sineriak ujaasiffigineqarpoq, Issittumilu Sakkutooqarfiup umiarsuaa Ejner Mikkelsen atorlugu sinerissap taassuma avataani ujaasisoqarluni.
Aamma Air Greenlandip qulimiguuliutaa ujaasinermut atorneqartartoq atorlugu sumiifffimmi ujaasisoqarpoq.
Ujaasineq ullumi nanginneqassaaq. Itillermi innuttaasut marlunnik umiatsianik atugaqarlutik ujaaseqataassapput.