Isumaqatigiinniartartoq: Eqqunngilaq, soraarsitaanngillat

Radioaviisimi oqaluttuaraarput, aqutsinermut pisortaq, Kurt Nielsen, sygeplejerskillu pisortaat, Lisbeth Lumby Rasmussen, soraarsitaasut, nakorsaanerlu Carsten Thordal mianersoqqussummik tunineqartoq.

- Taama saqqummiussineq eqqunngilaq, isumaqatigiinniarnerni pisortaq oqarpoq. Peqqinnissaqarfimmi qullersat pingasut soraarsitaanngillat. Taakku sulinngiffeqarallartinneqarput, pisut tusarniaavigineqarmata. Taamaammat inaarutaasumik suli aalajangiisoqanngilaq.

- Pisortat suliffeqarfiutaanni suliat sulisunut tunngassuteqartunut atatillugu sulisut suliamut imminnut tunngasumut oqaaseqaateqarnissaminnut periarfissaqartussaapput.

- Tamanna pisarpoq, sulisup tusarniaassummik allaffigineqarneratigut, taanna suliaq pillugu saqqummiussissummik, suliap nalilerneqarneranik, aamma sulisitsisup suliami sulisumut tunngassuteqartumi pineqartumi qanoq aalajangernialersaarneranik imaqartumik.

- Sulisut pillugit suliani pineqartuni periuseq tamanna malinneqarpoq, Rasmus Sembach Olsen tusagassiuutinut ullumi allappoq.

Radioaviisimilli paasisavut naapertorlugit Peqqinnissaqarfimmi pisortanit pingasunit marluk sulisitsisup soraarsinnialerpai.