Isumaqatigiinniarnerit tullissaannut piareerput

Inuit Ataqatigiit nalunaaqutaq qulinut Siumup ataatsimeeqatigissavai, ulloqeqqatalu kingorna nalunaaqutaq marlunut Partii Inuit qaaqqusaapput.

Partiit tamarmik taamaalillutik pingasoriarlutik ataatsimeeqatigeereerput, Siumullu siulittaasuata, Aleqa Hammondip, oqarnera naapertorlugu, Siumup gruppiani immikkut isumaqatigiinniartartut eqqarsaatigisussanngussavaat, partii sorleq suleqatigiumaarnerlugu, suullu piumasaqaataassanersut.

Tamatuma kingorna paasinarsissaaq, amerlanerussuteqaqqalaarluni Atassut imaluunniit Partii Inuit, tamarmik marlunnik issiatitaqartut, Siumup naalakkersuisoqatigilissaneraai, Siumullu taamaalilluni nammineq issiatitani 14-it, partiillu minnerit ilaat ataaseq ilanngullugu, 16-inik Inatsisartuni ilaasortaatitaqaqqalaarsinnaassaaq, Inatsisartuni ilaasortat katillugit 31-upput.

Partiilli anginerit marluk - Siumut 14-inik - Inuit Ataqatigiillu aqqanilinnik - ilaasortaatitaqarlutik naalakkersuisoqatigiilersinnaapput.