Tunngaviusumik inatsisissamut missingiutip siulliup suliarineqarnissaa aallartingajalertoq

Nunatsinnut inatsisinut tunngaviusunut siunnersuutissap Naalakkersuisunut aappaagu ukiup naalernera tunniunneqarnissaa isumalioqatigiissitat naatsorsuutigaat.
Isumalioqatigiissitat ilaatigut paasititsiniaanermut periusissiaq pillugu oqallinnissaq aammalu sulinissamut piffissalersuinermullu pilersaarut ataatsimiissutigeqqammerpaat.
Allattoq Ivik Kristiansen
maajip 14-at 2020 18:51

Inatsisit tunngaviusussat pillugit isumalioqatigiissitat inatsimmut tunngaviusussanut missiliuut siulleq suliarilingajalerpaat.

Inatsisit tunngaviusussat pillugit isumalioqatigiissitat tusagassiuutinut taama nalunaaruteqarput.

Isumalioqatigiissitat ilaatigut paasititsiniaanermut periusissiaq pillugu oqallinnissaq aammalu sulinissamut piffissalersuinermullu pilersaarut ataatsimiissutigaat.

- Missiliummik inaarsaanissaq innuttaasunillu oqaloqateqarnissarput piareersarnissaq ukiamut suliassatta pingaarnersarivaat, isumalioqatigiissitat siulittaasuat, Ineqi Kielsen, oqarpoq.

AAMMA ATUARUK Forfatningskommissionen er gået i stå - igen

Kalaallit Nunaata inatsisaanut tunngaviusunut siunnersuutissap Naalakkersuisunut aappaagu ukiup naalernera tunniunneqarnissaa isumalioqatigiissitat naatsorsuutigaat.00:01:19

Tamatuma saniatigut aasakkut sulinngiffeqareernerup kingorna paasititsiniaasalernissaq aalajangerpaat. Inatsisit tunngaviusut suuneri, isumalioqatigiissitat qanoq anguniagaqarnersut periusissiaallu taavalu pilersaarusiaat qanoq imaqarnersut paasititsiniaanerni nassuiaatigineqartassapput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk