Isumaginninnermut ministeri Kulusummiippoq
Danmarkimi isumaginninnermut ministeri (Socialminister) Benedikte Kiær Kulusummut ullunik pingasunik kinguaattoorluni ullumi marlunngornermi tikippoq. Tikeraaq Isumaginninnermut Naalakkersuisumit Maliina Abelsenimit tikilluaqquneqarpoq.
Allattoq Najaaraq Egede
marsip 09-at 2010 10:51
Isumaginninnermut ministerip tikinnissaata kinguaattooqattaarnera pissutigalugu tikeraarnissaq sivikillineqarpoq, nunaqarfimmi Kulusummi pisussanngorlugu, tassani ministeri Naalakkersuisorlu Kulusummi Alivarpi aamma meeqqat ornittagaat Amarngivat pulaassavaat.
Danskit ministeriata Kalaallit Nunaanni qimussimik angalariaaseq kalaallinut ilisarnaataasoq misigisaqarfiumallugu kissaatigisimammagu aamma qimussernissamut piffissippaat,
Naalakkersuisup Maliina Abelsenip neriuutigaa suleqatigiinnissamut isumaqatigiissut Social-og Indenrigsministeriusimasorlu Karen Ellemann isumaqatigiissutigisimasartik pillugu Benedikte Kiærilu eqqartornissaanut periarfissaqarumaarlutik.
