Isukasiani saviminissamik piiaavissaq piviusunngortussaajunnaartoq

Nuup avannaatungaani Isukasiani saviminermik piiaaviliornissaq piviusunngortussaajunnaartutut oqaatigineqarsinnaagunarpoq, aviisi Politiken ullumi taama allaaserisaqarpoq.

Tuluit ingerlatseqatigiiffiata London Miningip sumiiffimmi piiaanissamut akuersissummik pigisaqartup, suliniutiminik nalikillileerujussuarnerata kingorna aviisi taama naliliivoq.

AAMMA ATUARUK Saviminissamik piiaavissap piviusunngorsinnaanissaa aningaaseriviup pisortaata upperinngilaa

London Miningip ukiap ingerlanerani akiliisinnaajunnaarluni nalunaarutigaa, kingornalu ingerlatseqatigiiffiup ilaanut, Isukasiani piiaavissamut akuersissummik pigisaqartumut pisisussarsiorpoq. London Miningimillu aningaasalersuisut ilaata, Anglo Pacific Groupip, qaammatinut pingasunut naatsorsuutimini kingullerni, akuersissutip nalinga 140 millionit koruuninit 0 koruunimut nalikilliliiffigaa - "pigisat nalillit pineqartut nalorninartoqarnerat pissutigalugu", naatsorsuutini taama allassimavoq.

AAMMA ATUARUK London Mining akilersuiunnaarpoq

Isukasia akisuallaartoq

Angel Miningimi ingerlatsinermut pisortaasimasoq maannalu tuluit saviminermik piiaanermik ingerlatseqatigiiffianni Tynagh Iron Minesimi pisortaasoq, Tim Daffern aviisimut oqarpoq, Isukasia saviminissamik piiaaffigissallugu akisuallaarujussuartoq:

- Isukasiani saviminissamik 1 tonsimik tunisassiorneq 360-390 koruuneqassaaq. Taassuma affaata nalinganut Brasiliami Australiamilu ingerlatseqatigiiffiit saviminissamik piiaanermik ingerlataqartut savimermik maanna piiaareerput Kinamullu assartuereerlutik. Taamaammat Isuani saviminissamik piiaanissaq akilersinnaassappat savimerngup akia qaffasissutsimi allaqqinnaamiittariaqassaaq. Amerlanerit, uanga ilanngullunga, isumarput Isukasia taamaallaat Københavnip Universitetiani ujarassiuunit takornariarfittuinnaq atorneqarsinnaasoq, taama naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat