Issittup imaatigut assartuineq ajornannginnerulissaaq
Ilisimatusarneq pillugu saqqummersinneqartartumi Naturemi ilisimatusartut inerniliinitik sapaatip akunneranni matumani saqqummiuppaat.
Tamatuma akerlianik Ruslandip avannaani Kangimut aqqutikkut immakkut assartuineq ukioq kaajallallugu 2045-mi pisinnaalissasoq misissuinerup takutippaa, soorluttaaq Tunup avannaatigut Qalasersuup eqqaatigoorluni Ruslandimut Alaskamullu umiarsuartoqarsinnaalissasoq. Sullualuk sikussaassaaq maannalu Canadap qeqqanit Nunatta kujataatigut Ruslandimukartoqarsinnaalereerpoq.
Taamaalilluni Nunatsinnit Nunatsinnullu umiarsuakkut angallattoqarnerulissaaq.
Nunakkulli Canadami angallassineq ajornarnerulissaaq. Ukiukkut Canadami sikukkut lastbiilinik ingerlaartoqartarpoq, soorlu Inuuvimmiit Tuttuusartuumut ukiumi sikukkut aqquteqartartoq. Taamaalilluni assartuineq akikinnerusarpoq nunaqarfinnullu attaveqartarluni.
Issaasannerulerpat sikukkut ingerlaartoqarsinnaajunnaassaaq aqquserniornerlu sumiiffinni arlalinni pilersaarutaalereertoq akisullunilu sivisussaaq.
