Issittup imaatigut angallavigineqarnera isiginiarneqarnerulersoq
Isumasioqatigiinneq qallunaat naalakkersuisuisa pilersaarutaannut Det Blå Danmarkimut atavoq. Pilersaarummi nunat allat issittumiittut peqatigalugit imaani angallanneq tapersersussallugu siunertaavoq.
Qallunaat imarsiornermik qullersaqarfianniit, Namminersorlutik Oqartussaniit, Qallunaat Umiarsuaatillit peqatigiiffianneersullu peqataapput, aammalu russit peqataatitaqarput, soorlu umiarsuarnut allattorsimaffinneersut, suliffeqarfiutilinneersut imarsiornermillu ilinniarfiinneersut.
Imarsiornermik qullersaqarfimmeersut naapertorlugit ataatsimiinnermi imarsiornermut tunngasorpassuit eqqartorneqarsimapput. Soorlu isumannaallisaaneq allallu. Aammattaaq immikkut issittoq pillugu eqqartuisoqarpoq Nunarsuaq tamakkerlugu umiartortut suleqatigiiffianni IMOmi. Soorluttaaq umiarsuaatillit peqataasut Sullualukkoornermik misilittakkaminnik saqqummiisimasut, taannami siunissani Europap Asiallu akornanni umiarsuarnut aqqutinngoriaannaammat.
Danmarkimi imarsiornermut qullersaqarfimmeersut periarfissinneqarput pilersaarutsik Arctic Web nassuiaateqarfigissallugu. Issittumi umiartortunik nakkutilliineq pilersaarusiornerlu pillugit. Aammattaaq ataatsimeeqataasut russit issittumi umiartorneq pillugu ilinniartitseriaasiannik nassuiaanneqarput.
