Issittup atomimik sakkussiaqarfiunnginnissaa piviusorsiorsorinngikkaa
Bertel Haarderip Issittup atomitalimmik sakkussiaqarfiunnginnissaata sulissutigineqarnissaa takorloorsinnaaneraa, Enhedslistenip nunat avannarliit suleqatigiinnerat pillugu oqaaseqartartuata, Chistian Juhlip Issittumi suleqatigiinnerup Folketingimi oqallisigineqarnerani apeqqutigaa.
Taama aaqqiiniaraanni eqquutsinneqarnissaa qulakkeerneqaqqaartariaqartoq, taamaammallu piviusorsiunngitsoq, Bertel Haarder oqarpoq.
- Atomitalinnik sakkussiaqarfiunnginnissamik oqarneq aaqqiissutaasinnaanngissoraara. Oqaaseq taanna aaqqiinavianngilaq, Bertel Haarder oqarpoq.
AAMMA ATUARUK Issittup atomip nukinganik sakkussiaqarfiunnginnissaa piviusorsiortuunngilaq
Issittumi najuunnissaq, namminersortuunerup innarlerneqannginnissaata qulakkeernissaa sapinngisarlu tamaat isumaqatiginninniarnissaq Nunat avannarliit suleqatigiinnerannut pingaarnerpaasut, Bertel Haarder isumaqarpoq.
Tassungalu atatillugu Issittup atomitalinnik sakkussiaqarfiunnginnissaa nunanit avannarlermiut ataatsimoorlugu kissaatigigaat oqaatigaa.
- Kunngeqarfik nunallu avannarliit atomitalinnik sakkussiaqanngimmata, Issittoq russit atomitalinnik sakkussiaannik angallaffiutikkusunngitsorujussuuarput, Bertel Haarder oqarpoq.
