Issittumi Siunnersuisooqatigiit tunngavilerneqarfimminnut Canadamut uterput
Maannalu angerlartinneqarput. Tamatumuuna canadamiumik arnamik siulittaasuuffigineqarput; tamannalu ukiuni kingullerni 16-ini qanoq pisoqarsimatigineranik takutitsivoq. Siunnersuisooqatigiit taamani Inummik arnamilluunniit siulittaasoqarnissaat pisinnaasimassanngikkaluarpoq.
Leona Aglukkaq Nunavummi nunap immikkoortuani Kitikmeot Uqsuqtoormiuuvoq, nunaqarfiit avannarpasinnerpaasasa ilaat 1.300-t missaannik innuttaqartoq.
Issittumi Siunnersuisooqatigiit issittumi pissutsinik, issittup inuinik ajornartorsiutigineqartunillu taama ilisimasaqartigisumik siullerpaamik siulittaasoqassaaq.
Uqsuqtuuq nunaqarfiuvoq puisinniarnermik inuuniuteqarfiusoq, taamaammat Canadap EU-p alaatsinaattutut Issittumi Siunnersuisooqatigiinni inissisisimalernissaannut itigartitsinera pissusissamisoorpoq, EU-mi puisinniarnermut akerliuvoq.
Leona Aglukkaq Canadami peqqissutsimut ministerivoq, aammalu CanNorimut ministeriulluni, tassalu nunap immikkoortuini avannarpasinnerusuni aningaasaqarnerup ineriartorneranik nakkutilliisuulluni.
Piareersarluarsimalluni siulittaasunngorpoq, Nunavummimi nunap immikkoortuini avannaata-kippasissuaniittuni naalakkersuinikkut pingaarutilinnik atorfeqarsimavoq aammalu nunani tamalaani suliniaqatigiiffinnik suleqateqarsimalluni.
Pingaarneropaarli tassaagunarpoq, nunaqarfeeqqami inuuneq ilisimaqqissaaramiuk, aammalu Inuit issittumilu inuiaat siunissaasa pitsaanerulernissaat sutigut anguneqarsinnaanersoq ilisimagamiuk.
