Issittumi sakkutooqatigiiaat imminnut pinnaatileratarsinnaapput
- Naalagaaffiit allat sakkutuuinik, inuisalu pinngortitap pisuussutaannik ilisimatusarnerannik atuinerannillu, assersuutigalugu uuliasiornerni imaluunniit aalisarnermi allatulluunnit sumiiffiit saqitsaassutaasunik qinngasaaraluni taamaaliornerusinnasoq, Illersornissaqarfiup Kilitsissiaqarfia allappoq, taakku sakkutuulersuivinnermik aarleqquteqanngikkaluarput, taamaattorli Issittumi sakkutooqatigiiaat imminnut ukiuni qulini tulliuttuni pinnaatileratarsinnaanerat ilimageqqusinnaallugu.
Avannaarsuanimi pinngortitap pisuussutai pillugit piginnittussaanermut sorsuuteqarnerup annertuseriarnissaa, nalilersuinermi ersersinneqarpoq.
- Sineriammi naalagaaffiit ilaanni naalakkersuinikkut inatsisitigullu aaqqiagiinngissutit, sakkutuulersuussinermik ilaqartinneqarsinnaaneranik kinguneqarsinnaasoq, kilitsissiaqarfik allappoq, innersuussutigalugillu naalagaaffiit Rusland, USA, Norge Danmarkilu.
Taamaattorli sumiiffimmi angalaffiuleraluttuinnartumi piorsaanissami, imaani angallannerup annaassiniartarnerullu nakkutigineqarneranut tunnganerusussaassasoq, Kilitsissiaqarfiup nalilersuinermini naqissuserpaa.