Issittumi Sakkutooqarfik pigisanik ullumi aallerniartoq
Issittumi Sakkutooqarfik, Nuugaatsiami pigisanik ullumi aallerniarluni pilersaaruteqartoq, KNR-imut taama ilisimatitsivoq.
Issittumi Sakkutooqarfik Qaasuitsullu Kommunia Nuugaatsiami Illorsuarnilu innuttaasut pigisaannik ataasinngornermi aallernissaat pilersaarutaagaluarpoq.
AAMMA ATUARUK Pigisanik Nuugatsiami Illorsuarnilu aallernissamut piareeqqapput
Piginnittut tamarmik akuersissummik atsiorsimammata suliaq aallartereertoq, Issittumi Sakkutooqarfiup oqaatigaa.
Taassuma saniatigut aallerfissat isumannaarneqarnissaat aamma pingaaruteqartoq, Issittumi Sakkutooqarfiup erseqqissaatigaa.
Soorlu tassaarsuaqaqqissinnaanera sillimaffigineqartariaqarpoq Nuugaatsiamilu kallerup inneranut aqqutit kittorarsimasut ulorianarnersut misissorneqaqqaassapput.
AAMMA ATUARUK Nunaqarfimmiut aallerusukkaluartut
Taavalu aamma nunaqarfiup tunitsiviata tankia ammoniakimik imalik ulorianarnersoq misissorneqaqqaassaaq.
Upalungaarsimasuutitat Nuugaatsiaq isumannaareerpassuk nunaqarfinni pigisanik aatsaat aallertoqarsinnaalissaaq.
Pigisanilli aallerneq qanoq sivisutigissanersoq, Issittumi Sakkutooqarfiup oqaatigisinnaanngilaa.
AAMMA ATUARUK Immikkut paasisimasallit illut tassaarsuarmit eqqugaasut qularnaassagaat
Illut isumannaatsuunerannik alakkaasussanut ilaapput Danmarkimi upalungaarsimasuutitani immikkut ilisimasallit kommunimilu upalungaarsimasut.
Taakkua illut iserfigissallugit qularnaannersut misissussavaat.
Nuugaatsiami pigisanik aallertoqareerpat, Illorsuarni aallertoqassasoq, Issittumi Sakkutooqarfik KNR-imut oqarpoq.