Nunaqarfimmiut aallerusukkaluartut

Piniartut piniutitik atorfissaqartikkaluarpaat, ilaqutariillu qeqartoortussat kalaallisuutik atorfissaqartikkaluarlugit. Pingaartumik qimmit isumannaarneqarnissaat pisariaqartinneqartoq, Illorsuarni nunaqarfimmi aqutsisuni ilaasortaq, Kristian Nielsen oqarpoq.

- Aallaasiminnik aallerniaraluartut, nalunaarfigineqarsimagamik aallaasiminnik aalleqqusaanngitsut Illorsuit tikeqqusaanngimmata.

Illorsuarni nunaqarfimmi aqutsisuni ilaasortaq, Kristian Nielsen taama oqarpoq.

Pingaartumik qimmit iluamik inissinneqarnissat pisariaqaraluartoq, Kristian Nielsen isumaqarpoq

- Nammineq inumminnit qimmit paarineqarlutik nuannaarnerusaramik, kisianni periarfissaqatitaannginnatta taakkua piniutigisartakkat nammineq pigisat qimmmit - pisariaqaraluarpoq inumminnit aaneqarnissaat imaluunniit allatigut aqqutissiuullugit, Illorsuarni nunaqarfimmi aqutsisuni ilaasortaq taama oqarpoq.

Soorluttaaq nunaqarfimmiut qeqartoortussat assuutit kalaallisuut atorfissaqartikkaluaraat, Kristian Nielsen oqarpoq.

- Neriuppunga taakkunnguit nunaqqativut qeqartoortussat akuerineqassasut, taakkua kommunefoget politiilluunniit taavaniittut attavigisinnaavaat taakkua tigulaarsigit - taakkua tigulaarsigit - tassa ajunngilaq taakkununnga.

Neriorsuisoqarsinnaanngitsorli Qaasuitsup kommunianili ingerlatsinermut pisortaq Sivso Dorph oqarpoq.

- Massakkut periarfissanik misissuivugut, imaakkami ullumikkut tikinniarnera annertuumik mianersoqqussuteqarpoq, imaaliallaannarlugulu tikeqqusaanngilaq, Qaasuitsup kommuniani ingerlatsinermut pisortaq Sivso Dorph taama oqarpoq.