Issittumi pisuussutit pillugit Dansk Folkeparti apeqquteqarpoq
Issittumiit siunissami isertitarineqarsinnaasut Danmarkip naalagaaffianut qanoq iluaqutigineqarsinnaassanersut Issittoq pillugu Dansk Folkepartiip oqaaseqartartuata, Henrik Brodersenip, pingaartumik paaserusuppaa.
- Qalasersuarmi pinngortitap pissarititai qanoq aggutaarneqarsinnaanersut, akisussaassuseqartumillu piiarneqarnissaat, innuttaasunut paasissutissiissutigissallugu pingaaruteqarpoq, Henrik Brodersen oqarpoq.
Dansk Folkepartii aamma isumaqarpoq, Qalasersuarmit isertitanut pisinnaatitaaffeqarniaraanni aningaasat isertitat aningaasartuutillu naalagaaffeqatigiinnermi agguaqatigiinnissaat pingaaruteqartoq.
Nunat tallimat Issittumut sineriallit Canadami qanittukkut ataatsimiipput, Ilulissani ukiut marluk matuma siorna ataatsimiinnerup nanginneranik, ataatsimiinnerillu ingerlanneqartuaannarnissaat kissaatigineqarpoq, Dansk Folkepartiillu apeqqutaa ataatsimiinneq peqqammersorlu takkuppoq.
Ilulissani ukiut marluk matuma siorna isumaqatigiissut USA-mit, Ruslandimit, Canadamit, Norgimit aamma Kalaallit Nunaannit - taamaalillunilu aamma Danmarkimit - atsiorneqarpoq, isumaqatigiissummilu ilaatigut erseqqissaatigineqarpoq, Issittoq pillugu aaqqiagiinngissutit sapinngisamik eqqissisimasumik aaqqiiviginiarneqartassasut.
