KNR "Issittumi Martin Breum peqatigalugu" KNR TV-kkut
Rusland, Norge, Canada, USA. Qallunaat Nunaallu. Qallunaat naalagaaffiat nunarsuup pissaaneqarfiata nutaartaani aalajangeeqataasut ilagaat. Immakkut sorsuutit, timmisartut allallu sakkutooqarnermut atortut issittumut nassiussorneqarput – aammaattaaq Qallunaat Nunaat.
Naalagaaffiit aallartitaat politikerillu oqariartuutigaat tamanna pisariaqartoq, Kalaallit issittullu imartaani eqqissineq atuutiinnassappat.
Tamanna ilumoorpa? Imaluunniit nunarsuup avannaarpiaani sakkulerngisaattoqarpa? Siku peeruppat eqqissineq ataannassava? Martin Breum Russit Norskillu Barentsip imartaani immakkut sorsuutinik sungiusartut peqataaffigai, Qallunaallu sakkutuui qalasersuarmut misissuiniarluni angalaqatigalugit. Angalanermini paasiniaaffigai USA-mi Canadamilu isornartorsiuisartut immikkullu ilisimasallit Qallunaat Nunaanni tusarsaaneq ajortut.
Qallunaat nunaanni oqallinneq soqutigineqarluartoq
Aallakaatitassiat Qallunaat Nunaanni oqallineq soqutigineqarluartumut akulerupput. Qallunaat sakkutooqarfiat atortunik nutaanik Kalaallit nunaanni atugassanik milliardinik nalilinnik pisinissaminut piareersarpoq. Afghanistan, Irak nunallu kiattut nalaanni sorsuttut malinnaavigereerlugit maanna politikerit nunarsuup pissaaneqarniuuffiata avannaaniittumut nutaajusumut saapput.
Issittumi suleqatigiinneq ullut tamaasa pitsanngoriartorpoq, tamannali naammappa? USA ingammillu Russit issittumi atomimik sakkussiatik annertusiartuinnarpaat. Isornartorsiuisut oqaatigaat issittoq akersuuffiulersinnaaratartoq, pissaanillit sakkulersuutilissappata.
’Issittumi Martin Breum peqatigalugu: Qalasersuarmut tiguaajartorneq’ KNR1-mi takutinneqassaaq tallimanngorneq 7. november nal. 19.30, aallakaateqqinneqassallunilu arfininngorneq 8. november nal. 21.30.
Sapaat 9. november nal. 19.30 takutinneqassaaq ’Issittumi Martin Breum peqatigalugu: Sikuerpat eqqissineqaannassanerpa?’. Aallakaateqqinneqarluni ataasinngorneq 10. november nal. 20.30.
Aallakaatitassiat naggataarutigissavaat ’Issittumi Martin Breum peqatigalugu: Kikkut saliissappat?’ marlunngorneq 11. november nal. 19.30, aallakaateqqinneqassallunilu pingasunngorneq 12. november nal. 22.45.
Aallakaatitassiat pingasuusut Kalaallisut nutsigaapput.
