Assi: Siumut Folketingimi

Issittumi inatsisartut aalajangersakkatigut isumaqatigiissuteqartut

Silap pissusiata allanngoriartornera Issittumi Siunnersuisoqatigiinni eqqumaffigineqarnerusariaqartoq, Issittumi nunani assigiinngitsuni inatsisartuni ilaasortat Ruslandimi ataatsimiinnerminni aalajangersakkatigut isumaqatigiissutigaat.

Naalagaaffiit Peqatigiit Silap pissusia pillugu Parisimi upernaaq manna isumaqatigiissusioreersullu Issittumi Siunnersuisoqatigiit taama aalajangersaapput.

Issittumi nunani assigiinngitsuni inatsisartunut ilaasortat Ruslandimi illoqarfimmi Ulan-Udemi ataatsimeeqqammerput, nalunaarutaallu Issittumi nunani naalakkersuisunut tamanut nassiunneqarpoq.

Siumut sinnerlugu Folketingimut ilaasortaq Aleqa Hammond nunarput sinnerlugu peqataavoq, Sjurdur Skaalelu Magni Argelu Savalimmiut sinnerlugit peqataallutik.

Nunat Issittumiittut ukiuni kingullerni soqutigineqaleraluttuinnartut Aleqa Hammondip eqqaasitsissutigaa:

- Taamaattumik Issittumi akisussaassuseqartumik politikkeqarnissaq nunat akimorlugit naalakkersuinikkut naapeqatigiissuteqarnissaa aatsaat taama pingaruteqartigaaq. Naapeqatigiissutaasumi silaannaap allanngoriartornerata nassatarisaanik ajornartorsiutit pilinnginnerini periarfissat nutaat nammineerluni sulissutigisariaqarparput, aammalu nunap inoqqaavi peqataatillugit sanaartornermi aningaasaliissuteqarnissamut nungusaataanngitsumillu inuussutissarsiornikkut ineriartortitsinissamut aqqutissiuussisoqartariaqarpoq, Aleqa Hammond oqarpoq.

Issittumi inatsisartut ukioq allortarlugu ataatsimiittarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat