Issittumi immap sikua aatsaat taama annikitsigaaq
Immap sikua silap kiannera pissutigalugu aatsaat taama annikitsigisoq, USA-p Coloradomi aput sikulu pillugit ilisimasanik katersuisarfiup tusagassiuutinut nalunaarutigaa.
Allattoq Marianne Stenbæk, Montreal, Canada
Nutserisoq Ivik Kristiansen
- Ukiumik taama kiatsigisumik eqqumiitsigisumillu aatsaat misigisaqarpunga, ilisimasanik katersuisarfimmi pisortaq, Mark Serreze oqarpoq.
Aamma atuaruk Issittumi ukiuunerata issaasannerunera uissuummissutaasoq
Issittup imaata inissisimaffiani silap decembarimi, januaarimi februaarimilu agguaqatigiissillugu nillissusianiittarfianut naleqqiullugu gradenik marluk arfinillillu akornanni kiannerusaqattaarpoq.
- Issittumi pissutsit ajorsigaluttuinnarput, ilisimasanik katersuisarfimmi ilisimatooq Ted Scambos oqarpoq, nangillunilu. Nunarsuup avannaata silaanut taamanna sunniuteqassaaq.