Assi: Isak Lynge Rasmussen

Issittumi ilimagisamit silaannarinneruleriartortoq

Issittumi silaannarissuusoq ilisimavarput, ilimagisamiilli silaannarinneruleriartortoq, immikkut ilisimasallit paasisimavaat. Issittup silaannaata mingutsinneqarnera annikilliartortoq, ilisimatuut DCE-meersut, tassa Nationalt center for miljø og energi, Aarhus Universitetimiittuneersut misissuinerisa takutippaat.

DCE-p Tunup avannaarsuani Station Nordimi uuttortaaneri paasisanut tunuliaqutaapput.
Assersuutigalugu svovldioxid, aamarsuarnik uuliamillu atuinermit pisoq annikillisimavoq, soorlu aamma kviksølvgas Issittup silaannartaaniittoq annikillisimasoq.
 

AAMMA ATUARUK Issittumi akoorutissanik mingutsitsineq annikilliartortoq

Uuttortaanerit takussutissiisut

Mingutsitsinerit allat, inuup timaani annertusiartuinnartartut aamma uuttortarneqarsimapput, akoorutissat nerisariinni annertusiartortartut inuullu timaanut naggataatigut uuttortarneqarsimallutik. Akoorutissat arlallit tamakku aamma annikilliartortut paasineqarpoq. Soorlu sulliniiaat endosulfan.

Sulliniaatip taassuma atorneqarunnaariartornera ersarilluinnartoq uuttortaanerit takutippaat, endosulfanillu silaannarmiittup annikilliartuinnarnissaa ilimagineqarpoq, endosulfanimi Kinami 2014-imi aamma atoqqusaajunnaarsitaavoq.
 

AAMMA ATUARUK Nannut piaraat Issittumi mingutsitsinermit eqqugaanerpaasartut

Station Nordimili uuttortaanermi paasisat aamma takutippaat akoorutissat allat ajornartorsiutinngorsinnaasut amerliartortut, tamakkuali qanoq sunniuteqarsinnaanersut maannangaaq suli ilisimaneqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat