Issittumi aningaasaqarneq Ellemannip siuarsarusukkaa
Arctic Frontiersimi Karen Ellemannip Issuttumi ineriartortitsinissamik kissaateqarnini oqariartuutigaa.
![](/sites/default/files/styles/image_934x467/public/article_images/ellemann.jpg?itok=nfeb1GLD)
Allattoq Karsten Sommer
Nutserisoq Erna Lynge
Tromsømi ataatsimeersuarnermi Arctic Frontiersimi danskit naligiissitaanermut avannaamioqatigiillu suleqatigiinnerannut ministeriat Karen Ellemann ullumi oqalugiarami issittumi ineriartornermi piujuaannartitsinissap pingaaruteqassusianik erseqqissaavoq.
- Nunarsuarmi silap pissusaata kissakkiartornera issittumi ersarissupilussuuvoq. Issittormiulli silap kissakkiartorneranut annikittuinnarmik pilersitseqataasartut, Karen Ellemannip erseqqissarpaa itisilerlugulu:
- Taamaammat uanga paasinnittaasera naapertorlugu nunat tamalaat akornanni tapersersuinissaq pisussaaffittut soqutigisaasariaqarpoq, aningaasarsiornerup ineriartortinnissaanut, pinngortitaq eriagalugu nunap inoqqaavisalu inooriaasaat ataqqillugu ingerlattariaqarmat.