Issittumi aalisarneq pillugu isumaqatigiissut atsioqatigiissutigineqartoq
Aalisarnermut naalakkersuisup Erik Jensenip, Issittup qiterpiaani aalisarneq pillugu nunat tamalaat isumaqatigiissutaat ippassaq pingasunngornermi atsiorpaa. Naalakkersuisut nittartagaanni tamanna atuarneqarsinnaavoq.
Allattoq Mads Lynge
oktobarip 04-at 2018 09:35
Ilulissani Hotel Arcticimi nalliuttorsiualaartoqarpoq, ministerit, aallartitat naalagaaffiillu atsioqataasut qulit naalakkersuisuisa aallartitaat atsioqataallutik.
Nunat atsioqataasut tassaapput USA, Canada, Norge, Island, EU, Korea Kujalleq, Japan, Kina soorunalumi Kalaallit Nunaat.
AAMMA ATUARUK Issittumi suleqatigiinneq isumaqatigiissuteqarnikkut qulakkeerneqassaaq
- Naalagaaffiit peqataasut tamarmik atsiornerisigut isumaqatigiissutip piviusunngortinnissaanut, siunissami ilisimatuussutsikkut suleqatigiinnissamut peqataanissatsinnut, issittullu imartaata qiterpasissuani nungusaataanngitsumik siunissami aalisarnissamut sulissuteqarnissamut pisussaaffeqalerput, Aalisarnermut naalakkersuisoq Erik Jensen ilaatigut oqarpoq.
