Issittoq kiassioreerluni kiisami issileqqippoq
![](/sites/default/files/styles/image_934x467/public/article_images/arktisk_havis_afsmeltning_nasa.png?itok=Os-DMrQG)
Allorniusat avannamukaartut 80-it qaangerlugit ukioq tamangajassuat kiarujuppoq. Tamannarpiarmi naliginnaasumik 30 angullugit issittaraluarpoq, Rasmus Tonboe, DMI-mi ilisimatusartut ilaat taama oqaluttuarpoq.
Septembarimili ukiormalli Issittup Imartaa naliginnaasumiit 5 aamma 10 gradinik kiannerujuaraluarpoq.
Maannali issinneruleriataarpoq.
Qanittukkummi qangatuulli naliginnaasumik issileriataaqqippoq.
Issileqqinneratali immap sikuata siaruaannerunissaanik mattunerulernissaanilu kingusinaarpoq, aasarnissaami ungasigunnaareermat.
- Issittup imartaata sikua siaruaannerussappat issunerunerulissappallu ukioqqaarmalli issittuarsimasuuguni tamanna pisinnaasimassagaluarpoq, Rasmus Tonboe oqarpoq.
Upernaleriartulereerpormi, tassalu issittup kiatsikkiartuinnarnissaa allaqqussinnaajunnaareerlutigu.
AAMMA ATUARUK Immap sikua sukkaannaq kujammukaartoq
Naallu ulluni kingullerni avannaani naliginnaasumik issileqqikkaluartoq immap sikuata issunerulernernissaanut piffissaq kingusinaareerpoq.
- Maannakkummi sikup aputillu aannissaa ajunaralaarsuanngoreerpoq, taamaammallu immap sikuata matumuuna aasaq aningorunnanngilaa, Rasmus Tonboe oqarpoq.
Matumuunali aasakkut ukiukkullu nilliinnassappat, taava issittumi immap sikua naliginnaasumik annertussuseqaleqqissinnaavoq. Ukiummi nipitartuusiinnarsinnaagaluarunik tamanna immap sikuanut iluaqutaassangaluaqaaq, Rasmus Tonboe DMI-meersoq oqarpoq.
- Tamannali ajoraluartumik naliginnaasuunngilaq. Ukiorpassuimmi kingulliit ingerlanerini Issittup kiatsikkiartuinnavinnera misigiuarparput, tamassumalu kingunerisaanik immap sikuata saanneruleraluttuinnarneranik siaruaannikinnerulerneranillu kinguneqartuarmat, Rasmus Tonboe oqarpoq.
AAMMA ATUARUK Issittup imartaa aatsaat taama sikuunngitsigisoq
AAMMA ATUARUK Issittup imartaa aatsaat taama sikuunngitsigisoq