Benjamin Netanyahu ukiuni aqqaneq-marlunni ministeriunioreerluni tunuarpoq.Assi: Ronen Zvulun/Reuters/Ritzau Scanpix

Israelimi pissaanerup nikinnera: Ukiut aqqaneq-marluk qaangiuttullu Netanyahu qinerneqanngitsoortoq

Israelip inatsisartuisa naalakkersuisunngortut nutaat akueraat. Naftali Bennett Netanyahup kingoraartigilerpaa.

Israelip inatsisartuini amerlanerussuteqqaqqalaartut naalakkersuisoqatigiit nutaat sapaammi unnukkut akueraat. 60-it akuersipput 59-illu itigartitsillutik.

Taamaalilluni Benjamin Netanyahu ukiuni aqqaneq-marlunni ministeriunioreerluni tunuarpoq.

AAMMA ATUARUK Arabiamiunit kingoqqisut partiiaraat Israelimi qinersinerup inerneranut sunniuteqarluinnartoq

Politikkereq talerperleq Naftali Bennett naalakkersuisoqatigiilersuni siammasissuni maanna ministeriuninngortinneqarpoq.

Taassuma partii Yamina siulittaasuuffigaa ministeriunerusunngortullu, Netanyahu-p siuttuunerani illersornissamut ministeriulluni.

Taanna ukiut marluk ministeriunioreeruni politikkeri qiterlernut akuusoq, Yair Lapid, kingoraartigissagaa isumaqatigiissutaavoq. Taanna Netanyahu-p naalakkersuisuini 2013-imiit 2014-imut illersornissamut ministeriutut atuuppoq.

Naalakkersuisoqatigiilersut partiit arfineq-pingasuupput. Taakkua tamarmik Netanyahu-p ministeriunertut atuukkunnaarnissaa katersuuffigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat