PITUFFIK Isornartorsiut: Pituffimmut tunngasut saqqumminneqarlik

Pituffimmi kiffartuussinissamik suliariumannittussarsiuussinermik suliap tamarmi Folketingip nunanut allanut tunngasunut aalajangiisartuini suliarineqarnissaa Dansk Folkepartip aamma Enhedslistenip piumasaraat.

Pituffimmi kiffartuussineq pillugu Danmarkip Nunatta USA-llu akornanni allaveqatigiinnenit allagaatit Danmarkip nunanut allanut tunngasunut ministeriata, Venstremeersup Kristian Jensenip saqqummiukkumanngimmagit, Folketingimit partiit arlallitt isornartorsiuipput.

Venstre nunanut alllanut tunngasunut ministeriusumut folketingimut qinersinissaq sioqqullugu  allagaatinik saqqummiussinissamik  aamma piumasaqaraluarpoq.

- Isumatusaarneruallaanngilaq. Partiitut qinersinerit sioqqullugit isummagut amma qinersinerit kingorna isummagit assigiittassasut isumaqarpunga, Enhedslistenip nunarput pillugu oqaaseqartartua, Christian Juhl, oqarpoq.

Aamma atuaruk Danskit nunanut allanut tunngasunut ministeriat siumut isigaluni suliniartoq

Pituffimmi kiffartuussineissamik suliariumannittusarsiuussineq pillugu Danmarkip Nunatta USA-llu akornanni allaveqatigiinnenit allagaatit Danmarkip nunanut allanut tunngasunut ministeriata, Venstremeersup Kristian Jensenip saqqummiukkumanngimmagit, taassuma isornartorsiorpaa.

Ministerip allagaatit saqqummiukkumanngilai isumaqarami, suliariumannittuussaarsiuussineq amerikamiut eqqartuussivianni atuuttussaajunnaarsinneqareermat, kingumut pinnani siumut isiginissaq piffissanngortoq.

Taamannalli tunngavilersorneq Christian Juhl isumaqatiginngilaa.

- Ajortoqarsimanngippat, taava allagaaatit saqqummiunnissaat ajornartorsiutitassaqassanngilaq. ajornartorsiutitaqarpata, aqqutaanilu kukkusoqarsimappat, taava politikeriulluatuuniarutta kukkunivut ilinniarfigisariaqarpagut, Christian Juhl oqarpoq.

Aamma atuaruk Greenland Contractorsit Pituffimmut nutaamik isumaqatigiissuteqarput

Aamma Vestrep naalakkersuisuutitaqarnermini tapersertortaata Dansk Folkepartip nunarput pillugu oqaaseqartartuata, Søren Espersenip, nunanut allanut tunngasunut ministerip oqaasia isornartorsiorpaa.

Venstrep naalakkersuisunngoriaramik isummaminnik allanngoriataarnerat eqqumiik, Søren Espersen oqapoq.

Danmark minnerunngitsumillu nunarput suliami qanoq iliuuseqarsimanersoq qulaajarneqarnissaa taassuma kissaatigaa.

- Kalaallit Nunaanniimmi saqqummiunneqaqattaarpoq, soorlu Danmark USA-lu uani suleqatigiipilussimasut, taamaammallu taarsiisoqartariaqartoq. Taamaammat Kalaallit Nunaat suliami tamarmi akuusimanersoq qulaajassallugu pingaarluinnartoq isumaqarpunga, Søren Espersen oqarpoq.

Pituffimmi kiffartuussinissamik suliariumannittussaarsiuussinermik suliaq nunanut allanut tunngasunut ministeri peqatigalugu Folketingip nuinanut allanut tunngasuni aalaajangiisartuini suliarineqassasoq Enhedslistenip aamma Dansk Folkepartip maanna kissaatigaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl