Islandimiut suliffeqarfiutaat politiinut nalunaarutigineqarpoq

Islandimiut suliffeqarfiutaat Greenice Narsami inuussutilerinermut ilinniarfiup allilerneqarneranik sanasuusoq, inatsisinik uniuinnissimasutut Kommune Kujallermit politiinut nalunaarutigineqarpoq.
Allattoq Nûno Isbosethsen
oktobarip 04-at 2011 15:11

Avataaniit suliartortut akuersissummik peqaratik Narsami sulisimanerat peqqutaalluni Kommuni Kujalleq politiinut unnerluutiginnittariaqarsimasoq, Inuussutissarsiornermut suliffeqarnermullu ataatsimiisitaliami siulittaasup Kalistat Lundip oqaatigaa.

Politiinut nalunaarut siulleq juulimi 2010-mi tunniunneqarpoq, novembarillu 11-ani aappassaanik tunniunneqarluni.

- Sulisut innuttaasullu isumannaatsuuniissaat arlalippassuariartumik saneqqutaarneqartarsimavoq, sulisunik akissarsisitsinissaq ataasiaannarani ajornartorsiutaasarsimavoq, taamaattumik kommunip aningaaserivia innuttaasunut ikiuuttariaqartarsimalluni, Kalistat Lund oqarpoq.

Taassuma erseqqissaatigaa politiinut nalunaarut pillugu politiinit tusagaqarsimannginnamik.

Narsami politiiniit nalunaarutigineqarpoq, Kommune Kujalliup suli tusagaqannginneranut peqqutaasoq, suliap suli naammassineqannginnera.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq