Islandimiut Danmarkimit avissaarnertik nalliuttorsiutigigaat
Island Danmarkimit nunasiaataajunnaarnerminit ullumikkut ukiunik 75-inik nalliuttorsiorpoq, ullorlu nalliussiniarlugu erfalasoq amussavaat ataatsimoorlutillu ballonilisassapput.
Inuiattut ullorsiorneruvoq, Københavns Universitetimi lektori Gottskálk Jensson taama oqarpoq.
- Island kunngiitsuuffinngorpoq, tamannalu piffissami sivisuumi neriuutaajuartarnikuuvoq. Nunatut namminersortuuneq imaaliaallaannaq angusassaanngikkaluartoq Islandimut pingaarutilerujussuuvoq, inuiattut ataatsimoorneq qangaaniilli ileqquusimasoq atorunnaarpoq, lektori oqaluttuarpoq nangillunilu:
- Ullumikkut meeqqanut nuannatsitsiniarpugut qitinnertalimmik. Ilaqutariit ulloq ballonilisarfittut taavaat, soorunalimi aamma erfalasulisassaagut. Kisianni meeqqat nalliuttorsiortinneqassapput, taanna oqarpoq.
Islandimi inuiattut ullorsiortarneq 1800-kkunni ullulerneqarpoq taamani Islandimi siuttuusup Jón Sigurðssonip nalliunnerani inuiattut ullorsiortoqartarpoq.
