Islandimi nuna arlaleriarujussuarni sajuttarnera qaqqat innermik anitsisinnaanerannik ilimagineqartoq
Danmarkimi TV-qarfiup TV2.dk-ip allaaserisaa naapertorlugu, qaqqat innermik anitsisinnaanerannut Island piareersimasoq.
Sapaatit akunnera ataaseq qaangiummat, qeqertaasami Reykanesimi Islandip kujataata kitaani nuna 22.000-eriarluni sajuttoq nalunaarsorneqarpoq.
Genrefoto.
marsip 06-at 2021 18:50
Innermik anitsisoqarsinnaaneranik ernumanermut pissutaavoq piffissami kingullermi nuna arlaleriarujussuarluni sajuttarmat.
Sapaatit akunnera ataaseq qaangiummat, qeqertaasami Reykanesimi Islandip kujataata kitaani nuna 22.000-eriarluni sajuttoq nalunaarsorneqarpoq, tassaniipput qaqqat tallimat innermik anitsisartut.
AAMMA ATUARUK Sisimiuni nuna sajoqqittoq: Nunap sajunneri annikitsut marluk
Qeqertaasami Reykjanesimi qaqqat innermik anitsisartut ukiut 800-it kingulliit innermik anitsisimanngillat.
Maannalu tassa ilisimatuut pissangallutik utaqqilerpaat nuna arlaleriarujussuarluni sajuttarnera innermik anitsinermik kinguneqassanersoq nunalluunniit iluani sajuppillarttarnerit unikkallassanersut, TV 2 taama allaaserisaqarpoq.
