Island Kalaallit Nunaallu suleqatigiinnerulerusupput
![](/sites/default/files/styles/image_934x467/public/article_images/qanorooq_17.05.2022_still.jpg?h=2e77d23f&itok=bNIq3MGo)
Naalakkersuisut siulittaasui taakkua marluk ataatsimoorlutik tusagassiuutinut nalunaarutaanni tamanna takuneqarsinnaavoq.
Niueqatigiinnermi, ilinniartitaanermi, silap pissusiata allanngoriartornera, nukissiuutini pilersuiviit ineriartortinnissaat minnerunngitsumillu aalisarneq pillugu Island Kalaallit Nunaallu suleqatigiissapput.
Islandip nunatut namminersortutut misilittagaanik avitseqatigiittoqartarnissamik isumaqatigiissimallutik, Naalakkersuisut siulittaasuat oqaluttuarpoq.
Nunatta Islandillu akornanni niueqatigiinneq ukiuni kingullerni tallimani 67 procentimik qaffappoq, akitsuuteqanngitsumillu niueqatigiinnissamut isumaqatigiissuteqartoqarpoq, niueqatigiinnerup annertunerulernissaa pillugu, Múte Bourup Egede oqarpoq.
AAMMA ATUARUK Islandimi arnat kisitseqqissaareertoqarnerani amerlanerussuteqartussaajunnaartut
Taakkuali kisimik isumaqatigiissutigineqanngitsut Múte B. Egede oqapoq.
- Aningaasarsiornerinnaanngitsumik kisiannili isumaginninnikut inooqatigiinnikkut assigiinngitsutigut siuariaataasinnaasut eqqartorneqarmata. Tassani assigiiffigut aammalu eqqarsariaatsitsinni pinngortitamik inuuniuteqartuunikkut aammalu ilisimasatigut ineriartortitsisimanitsigut avitseqatigiinnigut tamatsinnut iluaqutaasinnaasutut isigigatsigit Múte B. Egede taama oqarpoq.
Persuttaasarneq Kalaallit Nunaanni nunamilu kangimut sanilerisatsinni aamma ajornartorsiutaavoq nunannilu taakkunani marlunni atugaaqaluni.
Persuttaasarnerup pinaveersaartinneqarneranut iluatsissimasut misilittakkallu pillugit paarlaasseqatigiittoqassasoq, Islandimi ministeriuneq oqarpoq.
- Persuttaasarneq suiaassutsimut kinguaassiornermullu tunngasoq. Tassaavoq Islandimi Kalaallit Nunaannilu ajornartorsiutaasoq, tamannalu Islandip ajunngitsorpassuarnik iliuuseqarfigisimavaa.
- Naligiissitaaneq eqqarsaatigalugu salliussimavarput, tamannalu maannakkorpiaq Kalaallit Nunaanni annertuumik eqqarsaatigineqartoq nalunngilara. Taamaattumik isumaqarpunga Kalaallit Nunaanni angutit arnallu naligiissitaanerulersinneqarnissaat periarfissarpassuaqartoq.
- Sueqatigiinngitsut akornanni persutaaneq. Islandimi Kalaallit Nunaannilu ajornartorsiutaavoq, tamannalu pinaveersaarniarlugu Island ajunngitsorpassuarnik misilittagaqarpoq Islandimi ministeriuneq Katrín Jakobsdóttir oqarpoq. - Eqqarsaatigilluarnikuuarput, naligiissitaanerlu salliutissimallugu.
- Taamaattumik Kalaallit Nunaanni angutit arnallu naligiinnerulernissaannut periarfissaqarluartoq isumaqarpunga, Islandimi ministeriuneq taama oqarpoq.