Island EU-mut qanilliallappoq
EU-mut ilaasortanngorsinnaanissamut piumasaqaatit Islandip annerusutigut naammassivai, taamaattorli EU-Kommissionip ataasiakkaatigut naleqqussaasoqartariaqarnerarpaa. Nutaarsiassaqartitsivimmi Ritzauimi taama allaaserinnittoqarpoq.
Naak EU-p alliartortinneqarneranut kommissæri Stefan Füle oqaraluartoq, "Island immikkut ittumik aqqutissiuunneqassanngitsoq" taamaattoq taanna naliliivoq, suliamik ingerlatsineq nunanut qinnuteqartunut allanut naleqqiulluni Islandimut pilertornerujussuussasoq.
Europami aningaasaqarnikkut suleqatigiinnermi ilaatigut EU-p iluani niuernermut peqataasutut Islandip ilaasortanngornissaminut piumasaqaatit pingajorarterutaasa aappaat naammassereerpai.
Taamaattorli suliassaqarfinni, soorlu aalisarnermi, nunalerinermi, avatangiisini aningaasaqarnikkullu kiffaanngissuseqartumik iliuuseqarsinnaanermi aningaasaqarnikkullu kiffartuussinermi nuna EU-p malittarisassaanut suli naammassinninngilaq, ataatsimulli isigalugu tamanna nunap EU-mut anguniagaqarnerani akornutaasariaqarani, nalunaarusiami 96-inik quppernilimmi naliliineq taama nipeqarpoq.