Dansk Boldspil-Union 2020-mi EM-imi aaqqissueqataalerpoqAssi: KNR

Isikkamik arsaalluni 2020-mi EM-ertoqalerpat Danmark aaqqissueqataalersoq

Europami isikkamik arsaattartut pikkorinnersaasa ilaat, ukiut arfinillit qaangiuppata Danmarkimi illoqarfiit pingaarnersaanni Københavnimi unammisussanngorput.

Europami isikkamik arsaattartut kattuffissuata, UEFA-p, ukiunik 60-inngortorsiornerminut atatillugu pissartanngorniunnerni nunat 13-it aaqqissuisussatut toqqarpai, taakkununngalu ilaavoq Danmark.

Gruppeni unamminerit pingasut 1/8-finalilu ataaseq Parkenimi ingerlanneqassapput.

Semifinalit finalilu Tuluit Nunaanni illoqarfiit pingaarnersaanni Londonimi ingerlanneqassapput.

Skotlandimi Glasgow, Belgiami Bryssel, Ungarnimi Budapest, Spaniami Bilbao, Irlandimi Dublin Hollandimilu Amsterdam, Danmark assingalugu, gruppeni unamminernut pingasunut 1/8-finalimullu ataatsimut aaqqissuisuussapput.

Tysklandimi Müncheni, Italiami Romimi, Ruslandimi Sankt Petersborgimi Aserbajdjanimilu Bakumi gruppeni unamminerit  pingasut kvartfinalilu ataaseq ingerlanneqassapput.

Qinnuteqartunit 19-iusunit Danmark toqqarneqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat