Isiginnaartitsisartunik festivalertitsineq iluatsilluartoq
- Torrallatamik iluatsittumillu ingerlanneqarmat Nunatta Isiginnaartitsisarfianit tulluusimaarutigaarput. Aatsaat perngaammik taamatut aaqqissuussivugut ilikkagaqaqaagullu - tullissaani allannguutissat suuneri ilisimavagut, Nunatsinnimi piumassutsiminnik isiginnaartitsisartunik isiginnaartitsisartunillu suleqateqarnerput ingerlatiinnarusupparput, Susanne Andreaseni oqarpoq.
Festivali sapaatip akunnerata siuliata naanerani ingerlanneqarmat illoqarfinnit nunaqarfinniillu arfineq-pingasuneersut peqataatitaqarput, Nuummilu arfineq-pingasoriarlutik isiginnaartitsereersimalerput, 100-t peqataasimapput - isiginnaartitsinermilu 915-t isiginnaariarlutik.
AAMMA ATUARUK Amatørskuespillere mødes til Kiinnat festival 2018
Isiginnaagassiat assigiinngitsut arfineq-pingasuupput, ilaatigut inuttut atukkanik oqaluttuatoqqanillu illarsaarinertalimmik tunngassuteqartut.
Isiginnaartitseqataasut ataqatigiinnermikkut suleqatigiinnermikkullu, eqimattanilu ataasiakkaani nuannersumik pikkunartumillu peqataapput.
- Maluginiarparput inuit isiginnaagassiat qanoq torrallataatiginerat tupaallaatigisaraat, aaqqissuussinermi aqutsisoq Manasse Berthelsen oqarpoq.
