Isfjordscenter nunap sinneranut isumassarsiorfiussaaq

Aningaasaateqarfiup Realdania Byg-ip 75 million kr-nik aningaasaliineratigut Isfjordcentereqalernissaq pivisunngorsinnaanngorpoq. Suliniutit taamatut ittut Kalaallit Nunaanni takornariaqarnikkut ineriartortitseqataasinnaapput, Visit Greenlandimi siunnersorti Mads Daniel Skifte oqarpoq.

-  Kujataani qallunaatsiaat pillugit  paasissutissiisarfimmik pilersaarusiortoqarpoq, taamaattumillu pilertsisoqarpat kujataanut aamma nunatsinnut  iluaqutaassaqaat, Mads Daniel Skifte oqarpoq.

Aamma atuaruk Realdania Ilulissat kangerlua pillugu illorsuassamut 75 millioninik aningaasaliivoq 

Ilulissani Isfjordcentereqalerpat tassani takornariaqarnikkut pioreersut annertusineqassapput.

- Takornariarpassuit Ilulissat kangerluanut alakkaasut, Isfjordcenter pilersinneqarpat, Ilulissat kangerluat pillugu paasissutissanik aallerfissaqalerput, takornariallu tikittartut misigisassaat annertusineqarlutik, Mads Daniel Skifte Visit Greenlandimi siunnersorti oqarpoq.


Inuussutissarsiornermut suliffeqarnermut Niuernermullu Nunanullu allanut tunngasunut Naalakkersuisup Vittus Qujaitsup  aningaasaateqarfiup tapiissuteqarnera nuannaarutigaa.


Pilersaarutit taamaattut qujamasuutigivakka, Vittus Qujaukitsoq oqarpoq, nangillunilu - suleqatigiinnerit taama ittut takornariartitsinermik inuussutissarsiornerup ineriartorteqqinnissaanut Kalaallit Nunaata atorfissaqartippai, Inuussutissarsiornermut suliffeqarnermut Niuernermullu Naalakkersuisoqarfimmit tusagassiuutinut nalunaarummi taama allapoq.

Aamma atuaruk Politikerit illorsuarmut tapersiisut

Tusagassiuutinut nalunaarummi  Qaasuitsup kommuniani borgmesteri Ole Dorph  isjordcenterimut pilersaarummut tapersiivoq:


RealDaniap peqataanera Ilulissanut aamma Qeqertarsuup Tunuanut takornariartitsinermi kiisalu suliniutinut periarfissaannik tatiginninnerujussuartut isigineqartariaqarpoq, Qaasuitsup kommuniani  Borgmester Ole Dorph oqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat