Isertuussanik saqqummiussineq oqaluttuarisaanermi siulleq
Ministeri qulliunerusoq qallunaat naalakkersuisuisa ataqatigiissaarinermut ataatsimiititaliaanneersoq tassaavoq ataatsimiititaliamiit paasissutissanik allat susassarinngisaannik avammut saqqummiussisoq.
- Ministerip qulliunerusup naalakkersuisut ataqatigiissaarinermut ataatsimiititaliaanneersup avammut saqqummiussinera ataatsimiititaliap oqaluttuarisaanerani naammattoorneqarsimanngivippoq, ataatsimiititaliami ilaasortaasimasoq Hans Engell Berlingske Tidendemut oqarpoq.
Mianersoqqusineq ministeriunerup Lars Løkke Rasmussenip Espersenip itigartitsineranik paasissutissinneqarsimannginnerminik oqarneranut akerliuvoq.
Ministerilu qulliunerusoq kinaanerminik taasiumanngitsoq taamaalilluni Lars Løkke Rasmussenimik ilungersuatitsilersoq assorsuaq uissuumminartoq, Ritzau allappoq.
-Ataqatigiissaarinermut ataatsimiititaliap siunertaa tassaavoq ataatsimiititaliami tassani ministerit qulliunerusut ikittunnguullutik politikkikkut suliassanik allat susassarinngisaannik oqaluuserinnittarnissaat. Tamatumanilu takutinneqarpoq inunni taama ikitsigisuni oqaluuserinninnerit pingaaruteqarluinnartut isertuunneqarsinnaasut ministeriunerup naatsorsuutigisinnaanngikkai, Hans Engell oqarpoq, taannalu ”ministeri avammut saqqummiussisoq” kinnaanersoq eqqoriarumanngivillugu.
