Irakip illoqarfiisa pingaarnersaat sapaammi saassunneqartoq
DR taama allaaserisaqarpoq.
Irakimi illoqarfiit pingaarnersaanni USA-p aallartitaqarfiata sumiiffigisaani rakettinik saassussisoqarpoq. Rakettit pingajuat Jadriyamut nakkartinneqartoq, Reuters paasissutissiivoq. Saassussinermut suli akisussaasuunerartoqanngilaq.
Qaartartumeerinerniillu ikilersimasunik toqutaasimasunillu suli aamma nalunaaruteqartoqanngilaq.
AAMMA ATUARUK Irakip inatsisartuisa iligiit USA-mit siuttuuffigineqartut Irakimit anisikkusukkaat
USA-p Iranimi illoqarfiit pingaarnersaata, Tehranip eqqaani iranimiut generalianik, Qassem Soleimanimik januaarip pingajuanni toqutsinerata kingunerisaanik taama saassussisoqarpoq. Irakimiut sakkutuuisa siuttuat, Abu Mahdi al-Mohandes saassussinermi aamma toqutaavoq.
Irakip siuttuisa qullersaata, ayatollah Ali Khameneip Iran akiniaassassoq saassussisoqariitsiarnerani nalunaarutigaa. Iranilu USA-mut Europamullu atomimut isumaqatigiissummit aamma tunuarpoq.
DR-ip Kangia Qiterlermi ilanngutassiortuata, Puk Damsgaardip oqarnera naapertorlugu saassussinerit irakimiunut amerikamiunulluunniit uissuummissutaanngillat.
AAMMA ATUARUK Sakkutuut naalagaannik saassussinerup kingorna: Iranimi angalaqqusinngitsut
- Tupaallaataanngillat. Irakimiut immikkut ittumik sakkutuuinit ullumi oqaloqateqarpunga, taassuma sakkutooqarfinni amerikamioqarfiusuni aneqqusaanngitsoqarnerarpaa.
Danmarkimi nunanut allanut tunngasunut ministeri, Jeppe Kofod nunanut allanut tunngasunut politikkimik aalajangiisartoqatigiinni Iranimi pissutsit pillugit ataatsimeeqatigiittoqarnissaanut aggersaavoq. Taakku pingasunngornermi ataatsimiissapput.