Sakkutuut naalagaannik saassussinerup kingorna: Iranimi angalaqqusinngitsut

Nunanut allanut ministereqarfiup Innuttaasunik kiffartuussivia Iranimi angalanermi ilitsersuutimini isumannaassusermut tunngasumi allannguivoq.

USA-p timmisartuaqqamit qaartartumeerilluni Iranimi sakkutuut naalagaasa ilaat Qassem Soleimani Irakip illoqarfiisa pingaarnersaanni tallimanngormat toqummagu taamaattoqarpoq.

AAMMA ATUARUK Iranimiut sakkutuuisa naalagaat amerikamiunit toqutaasoq

Nunanut allanut ministereqarfiup innuttaasunut kiffartuussivia Iranip ilaatigut Irakimut, Afghanistanimut Pakistanimut killeqarfiini arfininngornerup tungaanut angalaqqusinngilaq.

Iranimili tamarmi maanna angalaqqusinngilaq.

Aamma Tuluit Nunaat Hollandilu Iranimi angalaqqusinngillat.

Toqutaasoq Qassem Soleimani Iranimi pissaaneqarnerpaat ilaanniikkaluarpoq, Iranimi sakkutuunut immikkut sungiusakkanut siuttuugaluarluni.

Toqunneqarnerata kingorna Iranimi nunami tamarmi aliasuttoqarnissaa nalunaarutigineqarpoq, ilisaanissaanullu malunnartitsisoqartassalluni. Inuppassuit peqataanissaat ilimagineqarpoq.

Sakkortuumik iliortoqarsinnaasoq nalilerneqarpoq.