Irak nammineersinnaavoq
Irakimiut sakkutuuisa nunaminni immikkoortortaqarfiit tamaasa ukioq naanngitsoq isumannaallisarsinnaalissagaat, irakimiut præsidentiat, Jalal Talabani, nalunaaruteqarpoq.
Irakimi nunat immikkoortuini 18-iusuni 17-t amerikamiut sakkutuuinit ullumikkut isumannaallisaaffigineqarput. Nunap immikkoortuani Samawah-imi taamaallaat irakimiut isumannaallisaapput.
Irakimiut præsidentiata taama nalunaaruteqarnini itisilinngilaa, taamaattumik amerikamiut isumannaallisaanermi siunnersortaassanersut, imaluunniit irakimiut isumannaallisaanissaminnut piareersimanersut, ilisimaneqanngilaq.
Sunnisiortut shiasiortullu irakimi upperisartik tunngavigalugu sorsuunniarlutik siorasaarileruttorneranni taama nalunaaruteqartoqarpoq. Irakimi illoqarfiit pingaarnersaanni Bagdadimi perulluliortoqarnerpaavoq.
Irakimi aqquserngit killingini biilinik qaartitsisoqaraangat pillaallunilu toqutsisoqaraangat irakimiut ullut tamaasa toqutaasarput. Inuit 70-t ippassaq toqutaapput.
- Irakimi pikititsiniat qoqassiillutik qaartartumeerisartut irakimiut sakkutuuisa akiorluarsinnaavaat, Jalal Talabani oqarpoq.
