Aggustip ulluisa qulingiluaat tassaavoq nunap inoqqaavinut ullorititaa

Canadami naggueqatigiit Inuit, indianerit metisillu Canadami naalakkersuisunit pingaartinneqartut, Canadap ministeriunerunerata Justin Trudeaup qasseerpassuariarluni oqaatigisarsimavaa. Nunallu inoqqaavisa Naalagaafffiit Peqatigiit ullorititaat taassuma aamma malunnartippaa:

- Nunap inoqqaavisa Canadamut tunniussarisimasaat nalliuttorsiutigivarput, nunalli inoqqaavisa assigiinngisitsinermit naqisimaneqarnermillu ukiuni hunnorujulikkaani eqqorneqarsimanerat puigussanngilarput. Inuiaqatigiinnili naligiinnerulernissaq, peqataalersitsinerlu sulissutigissavarput, Canadap ministeriunerunera Justin Trudeau oqarpoq, nangillunilu:

- Nunap inoqqaavisa pisinnaatitaaffiisa illersorneqarnissaat suleqatigiilluta ataqqissavagut. Nunap inoqqaavi tusaaniarneqarnerusariaqarput, inuiaqatigiinnilu inooqataasinnaasariaqarput, Canadap ministeriunerunera Justin Trudeau, Naalagaaffiit Peqatigiit nunap inoqqaavinut ippassaq ullorititaani oqalugiarami oqalugiarnini taama naggaserpaa.

Aappaagu ukioq 2019 tassaassasoq nunani tamalaani nunat inoqqaavisa oqaasiinut ukiorititaq, Inuit Issittormiut Siunnersuisoqatigiiffianni siulittaasutut qinerneqaqqammersup Dalee Sambo Doroughip, Naalagaaffiit Peqatigiit nunap inoqqaavinut ullorititaanut atatillugu eqqaasitsissutigaa:

- Naalagaaffiit Peqatigiit siunertaat kisiisa eqqarsaatiginagit kisianni aamma angerlarsimaffitsinni inuiaqatittalu akornini, taannami kisiartaanngilaq unammillernartuni arlalinni qaangerniagassatsinni, ICC-p siulittaasortaava Dalee Sambo Doroughip oqaatigaa.