Inuusuttut nunaqarfiit ikiorusuppaat

Sermitsiaq nunaqarfinni atugarisat pillugit misissuisitsineranni paasinarsivoq, inuusuttut 18-nit 29-illu akornganni ukiullit piumasarigaat nunaqarfiit piujuartinneqarnissaat pillugu immikkut iliuuseqartoqassasoq. Tassa misissuinerup takutippaa, apersorneqartuni 61 %-iisa tamanna piumagaat.

Akerlianillu ukioqqortunerumaat, tassa inuit 40-it 49-illu akornganni ukiullit, 53%-ii isumaqarput nunaqarfiit piujuartinnissaannut immikkut iliuuseqartoqartariaqartoq.

Sermitsiaq HS-analyse aqqutigalugu misissuisitsinerani, inuit 718-it apersorneqarsimapput. Misissuinerlu novemberimi decemberimilu ingerlanneqarsimavoq, inuillu 18-nileereersimasut misissuinermi peqataatinneqarlutik.

Misissuinerup takutippaa Atassutip qinersisartui tassa 79 %-ii, nunaqarfiit piujuartinneqarnissaat pingaartikkaat, Demokraatinillu qinersisartut 31 %-iillutik.