Inuusuttut marluk nunatsinneersut prins Christianip 18-iliinissaanut qaaqqusaassasut

Inuusuttuaqqat naalagaaffeqatigiinneersut prins Christianip sapaammi oktobarip 15-ianni 18-iliilluni inuuissiornissaanut qaaqqusaassapput.

Kunngikkormiut tusagassiorfinnut nalunaarummi taama allapput.

Tassani allassimavoq Christiansborg Slotimi nerersuartitsinermi dronning Margrethe qaaqqusisuussasoq, nerersuartitsinissamut tassunga kunngikkormiut kommunit suleqatigalugit nalliuttorsiornissamut inuusuttut naalagaaffeqatigiinneersut 200-t tikillugit qaaqqussavaat.

Danmarkimi, Kalaallit Nunaanni Savalimmiunilu kommunit tamarmik immikkut nerersuartitsinissamut peqataasussanik 18-inik ukiulinnik marlunnik toqqaanissaminnut periarfissinneqassapput.

Inuusuttut immikkut malunnaateqarsimasut

Timersornerup, eqqumiitsuliornerup kulturillu silarsuaanniit kiisalu inuusuttut peqatigiiffianneersut inuusuttut immikkut malunnaateqarsimasut aamma qaaqqusaajumaarput.

Oktobarip 15-ianni nalunaaqutaq 12.00 Amalienborgimi paarsisut nikissapput, tassani prins Christian Amalienborgimi Frederik VIII’s Palæmi ilaquttani peqatigalugit balkonnimi nuissaaq.

Tamassuma saniatigut novembarip 14-ianni naalagaaffimmi siuttut siunersioqatigiinnissaanut prins Christian aggersarneqarsimavoq, tassani prinsip Inatsisit tunngaviusut atuutsinneqarnerat immikkut nalunaarutigissavaa.

Tamassuma kingorna prins Christian dronningip sinniisuatut toqqarneqarsinnaanngussaaq, prinsili kunngit nikitsinnagit naalagaaffimmi siuttut siunnersuisoqatigiianni ilaasortanngorsinnaanngilaq.