Inuusuttuaqqat naartulinnginnissaannut suliniutit annikitsuinnaapput

Kalaallit arnartaasa pingajorarterutaat inuusuttuaraanerminni siullermeerlutik meerartaartarput, taamaakkaluartoq inuusuttuaqqat naartunaveersaarnissaannut suliniutit annikitsuinnaapput, inuusuttuaraanerminnilu angjoqqaanngortunut suliniutit aamma annikillutik, misissuinerup nutaap tamanna takutippaa.
Allattoq Jaaku Lyberth
aggustip 27-at 2011 15:12

Inuusuttuaqqat naartulinnginnissaannut suliniutit annikimmata eqqumiippoq, tassami kalaallit arnataasa pingajoraterutaat 18-it inorlugit ukioqarlutik meerartaartarmata, Danmarkimi naalagaaffiup Atugarissaarneq pillugu ilisimatusarfiani ilisimatooq Else Christensen oqarpoq.

Else Christensen nalunaarusiami   "Kalaallit Nunaanni meeqqanut inuusuttuaqqanullu isumaginninnikkut suliniarneq"-mi suliaqartuuvoq, nalunaarusiami tassani Kalalallit Nunaanni tamarmi isumaginninnikkut suliat tamakkiisut siullermeerlugit qulaajarneqarput.

Inuusuttuaqqat amerlavallaartut naartulersartut misissuinermi paasineqarpoq, taamaakkaluartoq taakkua isumaginninnikkut iliuuseqarfigineqarnerat annikitsuinnaavoq.

Inuusuttuaqqanik naartulernissamut pinaveersaartitsilluni suliniutit Nuna tamakkerlugu ingerlanneqartut  assigiinngitsut marluinnaapput, naartusunullu suliniutit marluk neqeroorutaallutik. Nuna tamakkerlugu isumaginninnikkut suliniutit 141-uusut  Atugarissaarneq pillugu ilisimatusarfiata nalunaarsimavai.

Pinaversaartitsinerinnaanngillat aamma pikkorissartitsisoqartarpoq, aammattaaq angajoqqaanngorlaanut aallartilluarnissamik tapersersuisoqartarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq