Inuusuttuaqqat ilinnialernissamut piareersimanerulissapput
16-iniit 18-nut ukiullit ilinnialernissamut piareersimanerat qaffassartariaqartoq nalunaarusiap inerniliussaa Naalakkersuisut tamanut ippassaani pingasungormat saqqummiuppaat. Nalunaarusiaq politikkikkut suliniutissanut assigiinngitsutigut tunngaviliisuussaaq.
Allattoq Jonas Fievé
maajip 13-at 2016 17:17
Nutserisoq Erna Lynge
- Tamatuma ukkatarineqaleraluttuinnarnera Naalakkersuisut assut nuannaarutigigaat, inerniliussarlu aallaavigalugu suliniutit unnersuussutigineqartut arlaqartut aallartisarneqarsimasut ilinniartitaanermut, kultureqarnermut, ilisimatusarnermullu Naalakkersuisoq Nivi Olsen tusagassiuutinut allalluni nalunaarpoq.
Nivi Olsenip ilaatigut eqqaavaa Danmarkimi efterskolernissamut inuusuttut akissakitsut ikiorneqartarnissaat, inuusuttunullu meeqqat atuarfiannit aniaarsimasunut ilinnialersimanngittunullu immikkut 11 klasseqalernissaa, ilinnialernissamut piareersimalluarnerunissaq anguniarlugu.
